बागलुङ -१ मा राप्रपा कल्याणले ल्याएको उभार
बागलुङ/ आगामी २०८२ फागुन २१ गते हुने प्रतिनिधिसभा निर्वाचनका लागि बागलुङ क्षेत्र नम्बर १ को चुनावी समिकरणमा निकै रोचक परिवर्तन देखिएको छ। विगतमा नेपाली कांग्रेस, एमाले र राष्ट्रिय जनमोर्चाको वर्चस्व रहेको यस क्षेत्रमा यसपटक राप्रपा र रास्वपा प्रतिस्पर्धिका रुपमा देखिनेछन् । राष्ट्रिय प्रजातन्त्र पार्टी (राप्रपा) एक सुदृढ र वैकल्पिक शक्तिको रूपमा उदाउँदा चुनावी प्रतिस्पर्धा बहुपक्षीय बनेको छ।
पुराना दलहरूबीचको गठबन्धन र आन्तरिक असमझदारीका बीच राप्रपाले अघि सारेका एजेन्डा र नयाँ नेतृत्वले गर्दा यस क्षेत्रको परम्परागत राजनीतिको धार परिवर्तन हुने संकेत देखिएको छ। रास्वपाले राष्टिय माहोलको फाईदा लिने देखिन्छ भने राप्रपा मसिनोगरी सर्वसाधारणको दैलोमा पुगेको पाईएको छ ।
राप्रपाले यस निर्वाचनमा एम.बि.एम, बिबिए र एल.एल.बिसम्मको उच्च शैक्षिक योग्यता भएका बौद्धिक व्यक्तित्व कल्याण विक्रम आचार्यलाई उम्मेदवार बनाएपछि चुनावी चर्चा चुलिएको छ। पूर्व सञ्चारकर्मी, उपन्यासकार र व्यवस्थापन एवं उद्यमशीलता विकासको क्षेत्रमा लामो अनुभव सँगालेका आचार्यको प्रोफाइलले गर्दा उनलाई यस क्षेत्रको एक ुप्रोमिनेन्टु ९प्रमुख० उम्मेदवारको रूपमा हेरिएको छ। राष्ट्रिय स्वतन्त्र पार्टी (रास्वपा) को चर्चा रहे पनि आचार्यको व्यक्तिगत योग्यता र स्पष्ट भिजनका कारण राप्रपाको स्थिति अन्य नयाँ दलहरूको तुलनामा निकै मजबुत देखिएको छ।
बागलुङ, १ मा यसपटक नेपाली कांग्रेसका भीमबहादुर श्रीस, नेकपा एमालेका हिराबहादुर केसी र राष्ट्रिय जनमोर्चाका कृष्णप्रसाद अधिकारी चुनावी मैदानमा छन्। तर, व्यवस्थापनको पृष्ठभूमि भएका आचार्यले अघि सारेको आर्थिक समृद्धि र उद्यमशीलताको एजेन्डाले युवा र पढे,लेखेका मतदाताहरूमाझ ठूलो प्रभाव पारेको छ।
